“Practice makes Perfect” हे वाक्य खरे आहे. शिकल्यानंतर जर विद्यार्थ्यांनी सराव केला, तर शिकलेल्या गोष्टी कायमस्वरूपी लक्षात राहण्याची शक्यता वाढते. सराव विद्यार्थ्यांना जे माहित नव्हते ते समजण्यास मदत करेल आणि परीक्षेला बसण्यापूर्वी ते ज्ञान प्राप्त करण्यास मदत करेल. नियमीत सराव विद्यार्थ्यांना विषयात तज्ञता प्राप्त करण्यास, वेळेचे नियोजन करण्यास, प्रगतीचे विश्लेषण करण्यास, आत्मविश्वास बाळगण्यास आणि तणाव कमी करण्यास मदत करेल.
खरं तर असे लाखो गुणवंत विद्यार्थी आहेत ज्यांना वेळेवर जर तज्ञांचे मार्गदर्शन लाभले तर ते अभूतपूर्व यश प्राप्त करू शकतात. पण इच्छा असूनही प्रत्येक विद्यार्थ्याला तज्ञांकडून मार्गदर्शनाची संधी मिळेलच असे सांगता येत नाही. पण त्यांना कमीत कमी योग्य प्रकारच्या शैक्षणिक साहित्याची (Study Material) उपलब्धता जरी वेळेवर झाली तरी ते त्याचा पुरेपूर फायदा घेऊन यशप्राप्ती करू शकतील.
तसे तर सध्याच्या ऑनलाईन (Online) वातावरणात कुठल्याही परीक्षेसाठी Internet वर हजारो प्रकारच्या शैक्षणिक साहित्याची (Study Materials) यादीच येते. पण विद्यार्थ्यांकडे उपलब्ध असणाऱ्या वेळेत जर पाहिजे त्या परीक्षेसाठी अतिशय सुटसुटीत शैक्षणिक साहित्य (Study Material) त्यांना मिळाले तर भरपूर साहित्यातून योग्य साहित्य
निवडण्यासाठीचा विद्यार्थ्यांचा वेळ वाचेल. तोच वेळ विद्यार्थी अभ्यासासाठी वापरून वेळेचा सदुपयोग करू शकतील.
